𝑻𝒓𝒂𝒋𝒏𝒊𝒎 𝒏𝒆̈ 𝒇𝒖𝒔𝒉𝒆̈𝒏 𝒆 𝒑𝒖𝒏𝒆̈𝒔𝒖𝒆𝒔𝒉𝒎𝒆̈𝒓𝒊𝒔𝒆̈

OJQ Nevo Koncepti më 27-29.06.2025 organizoi trajnimin “Ngritja e kapaciteteve të mobilizuesve të
komunitetit në fushën e punësueshmërisë”. Trajnimi u mbajt në Durrës.
Pjesëmarrës ishin 30 mobilizues komuniteti nga komunitetet rom, ashkali dhe egjiptian, prej tyre 21
djem dhe burra si dhe 9 vajza dhe gra. Pjesëmarrësit ishin nga 7 komuna, 28 shkolla / lokacione të
targetuara nga Projekti.
Trajnimi kishte për qëllim ngritjen e kapaciteteve të mobilizuesve të komunitetit që punojnë
drejtpërdrejt me individ të komuniteteve të margjinalizuara rom, ashkali dhe egjiptian, Zyret për
punësim, Qendrat e Aftësimit Profesional dhe institucione tjera të aftësimeve profesionale. Theksi ishte I
veçantë tek çasja më e lehtë e pjestarëve të komuniteteve tek zyret e punësimit dhe të aftësimeve
profesionale me qëllim të rritjes së gjasave për punësueshmëri. Trajner ishte Prof. Ass. Dr. Ylber Aliu.
Trajnimi u organizua në kuadër të Projektit “Promovimi dhe Realizimi i të Drejtave të Romëve në Kosovë
dhe Shqipëri – P7414”, financuar nga Ministria gjermane për Bashkëpunim dhe Zhvillim Ekonomik / BMZ,
Karl Kubel Stiftung / KKS, dhe nga KFOS-i. Projekti synon të punojë në përmirësimin e gjendjes së
komunitetit rom, ashkali dhe egjiptian në fushën e arsimit, të shëndetësisë dhe punësueshmërisë, si dhe
të lehtësojë integrimin e komuniteteve në shoqëri përmes përmirësimit të çasjes në shërbimet publike
në këto fusha.
OJQ Nevo Koncepti do të vazhdojë me ngritjen e kapaciteteve të mobilizuesve të terrenit në fushën e
edukimit, shëndetësisë dhe të punësueshmërisë në mënyrë që arritja e objektivave të Projektit të jetë sa
më e lehtë dhe përmirësimi I gjendjes së komuniteteve rom, ashkali dhe egjiptian të jetë sa më efektiv
dhe I qëndrueshëm.